MY BUS
使用教學
盒內摺卡只夠第一次插電。開到站畫面之後，跟呢頁配網、用機面手勢，再上 mybus 改巴士／股票／外觀。
第一次配網（約 5–10 分鐘）
不附牆插火牛。用盒內 USB-C→USB-A：機側 USB-C，另一端插電腦 USB-A。
- 插電，等螢幕亮。畫面會叫你連 BUS-SETUP-XXXX（通常無密碼）。
- 手機連呢個熱點。多數會自動開設定頁；沒有就瀏覽器開畫面位址（常見
http://192.168.4.1）。暫時關 VPN、「自動切換流動數據」。 - 只填家用 2.4GHz Wi‑Fi 名稱同密碼。頁面寫「Wi‑Fi 名稱（SSID）」「Wi‑Fi 密碼」。唔使填 API 或密鑰。
- 見到「Wi‑Fi 已儲存」後關頁，等機重啟。
- 重啟後正常係到站畫面（出廠已批准）→ 去下一節用交機單登 mybus。 若見到配對碼／裝置編號，即尚未完成出廠批准：電郵支援並附 unit ID，勿自行亂改。
機面點用
或連撳兩下
或撳信封
footer 有「巴士」同「日曆」；有股票先出「股票」。日曆頁本身全屏、冇 footer。
設定唔係滑過去：喺到站頁撳左上角機名（預設 BUS，改咗裝置名稱就係嗰個名）。
右上係天氣同時間。天氣來自公開氣象，僅供參考。
- 到站頁最多四條線；空位會寫「未設定」。加線要去 mybus，唔喺機面打。
- footer 永遠有「巴士／日曆」；有股票先加「股票」。撳「股票」睇報價板，撳「巴士」返回到站，撳「日曆」入全屏日曆。
- 巴士、股票或心意卡頁亦可連撳兩下入日曆；日曆再連撳兩下返回剛才嗰頁。日曆頁冇 footer。
- 左上機名旁邊有信封。有未讀會有數字。撳信封或左滑都入心意卡。日曆頁左上都有信封（日曆左右滑係換月，唔係開卡）。
- 心意卡頁：多過一張就左右滑換卡。撳一下卡面先出返回／刪除，約 3.5 秒收起。連撳兩下入日曆，再連撳返回郵箱。返回到站用左上返回。刪卡用垃圾筒，刪咗收唔返。
- 設定頁可睇機身編號、韌體、Wi‑Fi。換網用「重設或新增 Wi‑Fi」，唔好長按 BOOT。
日曆
footer 撳「日曆」入全屏日曆（日曆頁冇 footer）。巴士、股票或心意卡畫面連撳兩下都入得；日曆再連撳兩下返回剛才嗰頁。左上都有信封，撳入心意卡；閂卡後返到站頁。揀其他日子或換月後，約 10 秒會自動返今日。左右滑換月；窗口外箭咀會變灰。底欄顯示選取日嘅公曆、農曆，同下一公眾假期倒數。公眾假期由雲端自動更新，唔使喺 mybus 開／關，亦冇個人日曆匯入。
mybus 三段設定
- 打開 mybus.letzone.hk。帳號同臨時密碼喺交機單（帳號多係
mb-開頭）。 - 首次會出現「請先改密碼」。新密碼至少 8 個字，改完先入到設定。
- 一部機通常直接入設定。若見到「選擇裝置」，撳你部機。尚未綁定就電郵支援並附 unit ID。
- 頂部分段揀 巴士／股票／外觀。三區都喺同一張表，撳一次「儲存設定」就交齊。
-
巴士最多四條。撳 ＋ 加入路線，跟住填：
- 營辦商：九巴或城巴
- 路線：例如 104，再撳「搜尋」
- 方向／目的地
- 車站（城巴第一次載站或需十數秒）
- 股票最多四隻。未填撳「＋ 加入」；有代號就摺埋摘要，撳先編。詳見下一節。
- 外觀改主題（日光／夜航／維港／電車／站燈／櫻花）、夜間背光、到站顯示（倒數分鐘或抵站時分）。日曆唔喺呢度。
- 撳頁底 儲存設定。機要在線；畫面寫「一般在 1 分鐘內更新」。
裝置名稱只出現喺到站／股票頁左上角，日曆全屏冇機名。改 Wi‑Fi 唔喺 mybus，去機面設定。
股票（最多四隻）
mybus 頂欄撳「股票」。四格同路線一樣：未填＝＋加入；有代號＝摺埋摘要，撳先編。段底有密度預覽（1 檔大字、2 檔走勢在下、3–4 檔走勢在右），唔係即時報價。
- 港股填
0700或HSI；美股填AAPL。打三個字以上會出現代號建議。 - 空代號即唔顯示。暱稱由系統提供，客人唔能改。
- 機面撳「巴士／股票」切換報價板（有股票先出「股票」）；「日曆」永遠喺底欄。港股無盤前／盤後欄。美股先有盤前、盤後；夜盤只在有夜盤價時出現。美股走勢包盤前（較淡）同正股。
- 官價永遠係正股。有盤前成交先轉「盤前」，高低量跟該時段；未有盤前成交會先留住上一手盤後／夜盤。
- 漲跌顏色喺股票段底揀「綠升紅跌」或「紅升綠跌」。
亮度
而家一體板調唔到光暗。mybus「外觀」冇百分比滑條：日間一律全亮；夜間時段可揀「全亮」或「關背光」，再設開始／結束時間。
心意卡
朋友送卡
- 掃盒內專屬 QR 小卡（每機一張）。唔係摺卡上嘅教學 QR。
- 喺手機設計短訊，揀傳送時間：即時、今晚九點、或聽日朝早。
- 撳「送出卡片」。只有呢部機打得開。
唔好影印或把呢張 QR 轉給第二部機。
主人收卡
- 到站或日曆頁睇信封數字；撳信封打開。巴士／股票頁亦可左滑打開。
- 連撳兩下可入日曆；再連撳返回心意卡。
- 睇完可用垃圾筒刪。刪咗收唔返。
- QR 失效、轉讓裝置或收唔到：電郵支援並附 unit ID，我們可以重開。
之後換 Wi‑Fi
- 到站頁撳左上角機名 → 設定。
- 撳 重設或新增 Wi-Fi（唔好撳「重新連線並同步」，嗰個只重試雲端）。
- 再連 BUS-SETUP-XXXX，只改家用 2.4GHz 名稱同密碼。
路線、帳號同心意卡設定會保留。唔好長按機背 BOOT 約八秒：設定頁雖然寫「恢復出廠」，但會清連線身份，要重新批准。
常見問題
搵唔到 BUS-SETUP
確認已通電、螢幕有亮。靠近再搜。關掉手機「自動切換流動數據」。熱點名稱係 BUS-SETUP- 加四位，唔係你家用 Wi‑Fi。
連熱點但打唔開頁
手動用瀏覽器開畫面位址（常見 http://192.168.4.1）。暫時關 VPN 或「私人 DNS」。
填完密碼，機連唔上家用網
必須 2.4GHz。純 5GHz、或者 2.4／5 同一個名稱時手機連咗 5GHz，機多數失敗。密碼用半形。路由器關「客戶隔離」。可分開一個例如「家居-2.4」嘅名稱。
畫面叫聯絡售後
缺少出廠身份。電郵支援並附 unit ID，勿自行亂改或長按 BOOT。
到站同巴士 App 唔一致
公開交通數據或有延遲或缺班。以營辦商同現場為準。本機不是緊急出行唯一依據。
登入後話尚未綁定裝置
用錯帳號，或尚未批准。核對交機單帳號，電郵支援並附 unit ID。
日曆要喺 mybus 開？
唔使。footer 撳「日曆」就入。巴士、股票或心意卡頁連撳兩下都得；日曆再連撳兩下返回剛才嗰頁。日曆左上都有信封開心意卡。公眾假期雲端自動，冇個人日曆設定。
機面冇「股票」掣
mybus 至少填一隻並儲存。空代號或取消「顯示」嘅格子唔會出現。
美股盤前欄同 App 唔一樣
未有盤前成交時會先留住上一手盤後／夜盤。有盤前價之後先轉「盤前」，高低量跟盤前時段。走勢圖會畫盤前（較淡）同正股；開市後高低一齊睇。收市後盤前收起，改畫正股同盤後。
支援
info@letzone.hk — 請附 unit ID（交機單或設定頁機身編號）、大致收貨日、問題相片／短片。
Letzone · 到站資料僅供參考 · 與九巴、城巴等營辦商無附屬關係